ЦРЗ "ДРОМ" Куманово

Логистика по повод конкурсот од страна на МОН за стипендирање на средношколци Роми

Како што сме запознаени конкурост за стипендирање на ученици Роми од страна на МОН траеше до 03.02.2010год.

          Ромскиот Информативен Центар – Куманово активно работеше со цел оваа информација да биде достапна до сите ученици заедно со критериумите кои се дел од овој конкурс.

         РИЦ – Куманово подготви соопштенија кои ги подели до сите Средни училишта а воедно разговараше и со директорите на Средните училишта за тековниот конкурс за взаемна соработка и информирање.

        Класните раководители го поделија сооштението на сите ученици Роми и ги информираа за тековниот конкурс како и за тоа дека за подетални информации и помош, можат да се обратат во просториите на РИЦ – Куманово.

            По добиеното соопштение учениците доаѓаа во просториите на РИЦ – Куманово каде што им помогнавме за пополнување на потребните формулари, изјави и фотокопии од потребните документи.

Сите ученици кои ги имаа условите за конкурост комплетната докуентација ја оставаа кај нас а оние кои немаа услови беа заведени со име презиме и просек од предходната година.

Мораме да констатираме дека во Куманово како една од поголемите општини со голем број на Ромско население, многу мал број на ученици ги исполнуваат условите односно најмал  просек  3,00.

Само 13 ученици од сите Срени училишта од Куманово имаат најмал просек 3,00 останатите ученици се со просек под 3,00.

            Поради оваа ситуација контактиравме со г –дин Реџеп Али Чупи каде што му го соопштивме проблемот и сакавме да се информираме дали постои некое идно можно решение за измена на критериумите во конкурост да биде барем од 2,50. Од страна на г –дин Чупи добиме негативен одговор затоа што и кај нив во договорот со РЕФ посојат зацртани критериуми кои тешко би се менувале.

        Бројот на ученици кои ги исполнуваат критериумите за добивање на стипендии изнесува 13, што според РИЦ – Куманово е многу мала бројка.

Учество на отворена локални дискусија за имплементирање на политиката за вработување во Македонија

На 18.01.2010год  во просториите на општина Куманово се одржа отворена локална дискусија за имплементирање на политиката за вработување во Македонија организирана од страна на Центар за Граѓанска Иницијатива  - Прилеп.

            На оваа дискусија учествуваа: г –дин Мерсел Биљали кој имаше излагање за тоа  како Македонија се справува со глобалната економска криза и ефектите од неа на локалната економија,  г-дин Нано Ружин - Пристап до ЕУ - како економската криза може да влијае на овој процес? и  г-дин Живко Силјаноски  - Кои се решенијата  за локалното население и предизвиците за вработување на бизнис секторот.

         На оваа дискусија учествуваа претстваници од НВОи, Агенција за вработување, Центар за социјални работи, СВР- Куманово, општина Куманово како и граѓани од Куманово.

Превземени активности во врска со Оперативниот план за самовработување

На 25.03.2010год. излезе конкурсот за Програмите / мерките Самовработување, Формализирање на постојните бизниси и Пилот програмата, Подршка за дополнителни вработувања во фирми регистрирани преку програмата за Самовработување 2007 – 2008год. Овие мерки претставуваат дел од програмните содржини  во Оперативниот план за вработување за 2010год. на Владата и истите ќе  се имплементираат од страна на УНДП, АВРМ со Центрите за вработување, АППРМ, МТСП и други релевантни институции.

            Бидејќи овој конкурс важeше до 09.04 а во меѓувреме имаше многу неработни денови РИЦ – Куманово беше принуден во најскоро време да ги информира граѓаните. Во врска со конкурсот РИЦ – Куманово ги превзема следниве активности:

• Подготвени соопштенија

         Веднаш по објавување на огласот од страна на АВРМ, Ромскиот информативен центар Куманово подготви соопштенија и истите  ги постави на позначајните места во ромските населби. Воедно беа изработени кратки информативни листови за тековниот конкурс и за тоа каде може ромската заедница да се обрати за подетални информации.

• Информирање на населението преку  локалните медиуми;

         На 29.03.2010год. РИЦ Куманово гостуваше во локалното радио Браво со цел што подобро да го информира населението за тековниот конкурс. Во радио емисијата РИЦ подетално ја презентира програмата за самовработување и формализирање каде што ги објасни условите и процедурата за оваа програма.

• Посета од страна на UNDP;

      На 31.03.2010год. просториите на РИЦ ги посети претставник од UNDP. Претставникот се интересираше за нашите планови на делување, се со цел подобро да се информира ромското население. На претставникот му беше уочено дека конкурсот трае многу краток период ако се земат во предвид и неработните денови. Од негова страна ни беше кажано дека истите се свесни за временскиот период но дека постои некоја можна солуција конкурсот да биде продолжен.

• Теренско информирање на лицата кои работат на градскиот пазар -  Куманово;

          На 31.03. РИЦ – Куманово подготви кратки информативни листови кои ги подели скоро на сите  лица кои работат на градскиот пазар Куманово. На листовите освен кратки информации за програмата беше напишан и датумот на  информативната средба која РИЦ Куманово ја организираше со цел лицата детално да се информираат за планот за самовработување и формализирање. Воедно беа подготвени и соопштенија за средбата који се поставија на двата влеза на градскиот пазар.Ова теренско информирање на пазарот беше поради фактот дека повеќето од овие лица немаат регистрирано фирма односно работат на црно и истите може да се запознаат со можностите за формализирање на веќе постоечкиот бизнис.

• Организирање на средба со граѓаните во просториите на РИЦ на која присуствуваше и Раководителот на АВР - Куманово;

       На 01.04.2010год. се организраше средба во просториите на РИЦ на која присуствуваше и Раководителот на АВР – Куманово. На оваа средба присуствуваа граѓани кои покажаа интерес за тековниот конкурс.

На средбата РИЦ – Куманово ги информираше граѓаните за условите и процедурата за аплицирање како и за предвидените програми.

Подетално им беа објаснети процедурите за самовработување и формализирање на постојани бизниси но и им ги посочи и ризиците доколку дојде до затворање на фирмата. На лицата им  беше посочено дека доколку дојде до затворање на фирмата истите во наредните три години нема да бидат евидентирани како невработени во агенцијата . Истите беа информирани дека го губат правото на социјално парична помош.

            Сите заинтересирани и оние кои имаа прашања можеа директно да му се обратат на Раководителот на АВР кој одговори на сите нивни сугестии.

• Континуирани средби со граѓаните во РИЦ – Куманово;

До крајот на конкурост просториите на РИЦ беа отворени за сите заинтерани граѓани за овој конкурс. На лицата им беше објаснета целата постапка и заинтересираните беа препраќани кај одговорното лице во АВР – Куманово.

Заедно за подобра иднина

Од 01.02. – 01.04.2010год.Ц.Р.З. „ДРОМ“ во соработка со Владата на Р.Македонија го реализираше проектот „Заедно за подобра иднина”

Цел на проектот е подобрување на меѓуетничкиот соживот кај младите во Куманово и истиот се имплементираше во период од три месеци.

Во скоп на проектот беа реализирани следниве активности:

·         Две работилници со тема „Надминување на меѓуетничка нетолеранција кај младите“.

• Организирање на две  „Обуки за волонтерство.“
• Печатење на флаери;

Финансиер: Влада на Р.Македонија

Ипа фондови , децентрализација и Декада на Ромите во неа

Проектот „Ипа фондови , децентрализација и Декада на Ромите во неа“ ќе се реализира во период од 01.01.2010год. 01.01.2011год.

Цел на проектот е обучени претставници од: локална самоуправа , инститции и НВОи за процесот на децентрализација како и подготовка на проекти.

Досегашни реализирани активности:

• Средба во локалната самоуправа Куманово;

• Средби со предходно формирано координативно тело составено од претставници од: институции, локална самоуправа и НВО;
• Организирана обука за „Децентрализација“;
• “Трибина на тема ИПА фондови можност за локален и економски развој“

Финансиер: РПП

Роми ментори

Главната цел на иницијативата на Роми ментори е да се поврзат експертите на ромската култура со училиштата и НВО –те или центрите на заедниците, за да се обезбедат промени во самосвеста и будноста на децата. Да го зголемат нивното знаење за ромската култура и да им обебедат на децата можности да уживаат во контактите со експертите.
Носител на проектот е Ромски културен и едукативен центар “Дархија“ и истиот ќе се имплементира од семпремви 2008год. – јуни 2009год.
Една од НВОи кои се вклучени во проектот е и Центар за ромска заедница “ДРОМ“ кој обебедува логистичка подршка во проектот односно целосно опремена училница како и наставник волонтер кој има искуство во работата со деца. Менторската настава е предвидена по 6 часа месечно во периодот на една школската година. Учениците кои се опфатени во менторскита настава се на возраст од 12 – 14год.

Финансиер: Ромски културен и едукативен центар “Дархија“

Зближување на млади од различни религии

Цел на проектот е хуманизирање и хомогенизирање на статусните, верските диференцијации, кај младите средношколци од Куманово  од различна етничка припадност преку дружење, дискутирање и запознавање на  религиите.
Проектот се одвиваше во две фази и тоа:
I фаза: Посета на Џамијата Синан Татар Паша – Куманово и Црквата Св.Никола Куманово од страна на средношколци од разична етничка припадност:Роми, Македонци и Албанци.
II фаза: Организирање на трибина на тема „Зближување на млади од различни религии“ 15 Роми, 15 Македонци, 15 Албанци и 15 од други националности: Срби, Власи, Хрвати и др. На трибината имаа излагања: Протереј од МКЦ, Оџа од ИВЗ како и Свештник од КЦ.

Финансиер: Институт за соработка меѓу заедниците во парнерство со UNESKO

Кој сум што сум?

Претставата може да ја гледате на порталот Roma Culture. Кликнете тука.

Покана

Почитувани, на ден 06.04.2010 (вторник) во просториите на Народен Театар во Тетово од 19:00 часот, Ве покануваме да присуствувате на претставата “Ко сем со сем” – “ Кој сум што сум” од Санела Емин.



Со почит
ЦРЗ “Дром” - Куманово

Покана

Почитувани, на ден 25.03.2010 (четврток) во просториите на Н.У. Центар за Култура “ Ацо Шопов” – Штип од 19:00 часот, Ве покануваме да присуствувате на претставата “Ко сем со сем” – “Кој сум што сум” од Санела Емин
                                    


Со Почит
Ц.Р.З. “ДРОМ”

Покана

Почитувани на ден 18.03.2010 (четврток) во просториите на Мулти Културен Центар Кочани од 18.30 часот Ве покануваме да присуствувате на претставата “Ко сем со сем” – “Кој сум што сум” од Санела Емин



Со почит
ЦРЗ “Дром” - Куманово

Покана

Почитувани на ден 11.03.2010 (четврток) во просториите на Народен Театар Куманово од 19.30 часот, ве покануваме да присуствувате на премиерата на преставата”Ko sem, so sem”“-Коj сум, што сум” од Санела Емин.  Би ве замолиле да го потврдите вашето присуство најдоцна до 10.03.2010 (среда).



Со Почит
Ц.Р.З. “ДРОМ”

Конкурс за ментори

Врз основа на член 55 став 1 од Законот за организација и работа на органите на државната управа (Службен весник на Република Македонија бр.58/00, 44/02 и 82/08) и Решение бр. 23 – 393/1 од 18.01.2010, Министерството за образование и наука, распишува
 
 
КОНКУРС
 
за избор на ментори за ученици Роми од јавните и приватните средни училишта во Република Македонија добитници на стипендија од Министерството за образование и наука за учебната 2009/10 година
 
Министерството за образование и наука со финансиска поддршка од Ромскиот образовен фонд од Будимпешта за учебната 2009/2010 година ќе додели 800 (осумстотини) стипендии за ученици Роми запишани во прва, втора и трета година од јавните и приватните средни училишта во Република Македонија. Исто така преку овој проект Министерството за образование и наука/Управата за развој и унапредување на образованието на јазиците на припадниците на заедниците ќе обезбеди и дополнителна поддршка за учениците Роми преку менторство и туторство.
 
I.                   УСЛОВИ ЗА ИЗБОР НА МЕНТОРИ
 
Право да аплицираат на Конкурсот имаат сите професори од сите јавни и приватни средни училишта во Република Македонија, а ги исполнуваат следните конкурсни услови:
 
1.    да се професори во јавните и приватните средни училишта во Република Македонија;
2.    да го предаваат предметот математика;
3.    да се државјани на Република Македонија;
4.    доколку претходно биле ментори на ученици Роми преку програмата за образование на Роми од ФИООМ, тоа ќе се смета за предност при селекцијата.

Критериум за избор на ментори е кандидатите да го предаваат предметот математика во средните училиштата каде што се вработени.
 
II.                МЕСТО И РОК ЗА ПОДНЕСУВАЊЕ НА ДОКУМЕНТИ
 
Кандидатите кои се пријавуваат по конкурсот, потребно е до Министерството за образование и наука/Управата за развој и унапредување на образованието на јазиците на припадниците на заедниците, ул. Мито Хаџи – Василев Јасмин бб – Скопје, најдоцна 03.02.2010 година да ги достават следните документи:
 
1.      Пополнета оригинална пријава за ментори на средношколци Роми (објавена заедно со конкурсот на www.mon.gov.mk);
2.      Академска биографија (CV);
3.      Писмо за мотивација (кандидатите на максимум две страници треба да ги образложат своите причини/мотиви за пријавување за ментор).
 
Документите на кандидатите кои се некомплетни и неблаговремено доставени нема да се рангираат.
 
III.             ВИСИНА НА ХОНОРАРОТ ЗА МЕНТОРСКИОТ АНГАЖМАН
 
Висината на хонорарот за менторскиот ангажман ќе изнесува 2.400,00 денари месечно за пет месеци во текот на учебната 2009/2010 година.

- Пријава за ментори

Конкурс за ученици

Врз основа на член 55 став 1 од Законот за организација и работа на органите на државната управа (Службен весник на Република Македонија бр.58/00, 44/02 и 82/08) и член 54 од Законот за ученичкиот стандард (Службен весник на Република Македонија бр.52/05 и 117/08) и Решение бр. 23 – 395/1 од 18.01.2010, Министерството за образование и наука, распишува
 
 
КОНКУРС
за доделување на стипендии за ученици Роми запишани во прва, втора и трета година од јавните и приватните средни училишта во Република Македонија за учебната 2009/2010 година
 
 
Министерството за образование и наука со финансиска поддршка од Ромскиот образовен фонд од Будимпешта за учебната 2009/2010 година ќе додели 800 (осумстотини) стипендии за ученици Роми запишани во прва, втора и трета година од јавните и приватните средни училишта во Република Македонија.
 
I.                   УСЛОВИ ЗА ДОДЕЛУВАЊЕ НА СТИПЕНДИЈА
 
Право на стипендија имаат кандидатите кои учат во јавните и приватните средни училишта во Република Македонија, а ги исполнуваат следните конкурсни услови:
 
1.    да се редовни ученици во прва, втора или трета година во јавните и приватните средни училишта во Република Македонија во учебната 2009/2010 година;
2.    да имаат постигнат успех од најмалку 3.00 во претходната учебна година;
3.    да не повторувале година во текот на нивното образование;
4.    да не се корисници на стипендија од други институции или фирми;
5.    да се припадници на Ромската заедница;
6.    да се државјани на Република Македонија.

Критериуми за доделување на стипендија се постигнат успех од најмалку 3.00 во претходната учебна година и да се припадници на Ромската заедница.
 
II.                МЕСТО И РОК ЗА ПОДНЕСУВАЊЕ НА ДОКУМЕНТИ
 
Учениците кои се пријавуваат по конкурсот, потребно е до Министерството за образование и наука/Управата за развој и унапредување на образованието на јазиците на припадниците на заедниците, ул. Мито Хаџи – Василев Јасмин бб – Скопје, најдоцна 03.02.2010 година да ги достават следните документи:
 
1.      Оригинална пријава за стипендирање на средношколци Роми (објавена заедно со конкурсот на www.mon.gov.mk);
2.      Потврда дека е редовен ученик во учебната 2009/2010 година;
3.      Заверена фотокопија кај нотар од свидетелство од претходната година на школување;
4.      Изјава дека кандидатот не е корисник на друга стипендија (објавена заедно со конкурсот на www.mon.gov.mk);
5.      Изјава дека кандидатот дека е припадник на ромската етничка заедница (објавена заедно со конкурсот на www.mon.gov.mk);
6.      Препис од уверение за државјанство на Република Македонија.
 
Документите на кандидатите кои се некомплетни и неблаговремено доставени нема да се рангираат.
 
III.             ВИСИНА НА СТИПЕНДИЈАТА
 
Висината на стипендијата ќе изнесува 2.200,00 денари месечно за девет месеци во текот на учебната година.

- Пријава за стипендирање
- Изјава за национална припадност
- Изјава дека не е корисник на стипендија

Ромски информативен центар

Ц.Р.З. “ДРОМ” е активен поборник за поефикасно имплементирање на декадните активности во Р.Македонија. За таа цел се јавува потребата Ромските граѓани континуирано бидат информирани за тековните активности и можности.
Ц.Р.З. ”ДРОМ” за анулирање на овие потреби на својата целна група – Ромско население и во насока на полесно интегрирање и ажурирање на нивните права и обврски, во период од 01.01.2009 до 31.12.2009 год до  го имплементира проектот “Ромски Информативен Центар” во чија област се сервисирање на информации од четирите акутни домени на Декадата на Ромите: образование, здравство, домување и вработување.

Финансиер: МТСП во партнерство со Ц.Р.З.”ДРОМ” Куманово

Преку едукација до намалена дискриминација

Од март 2009 до август 2009 Центар за Ромска Заедница “ДРОМ“ го имплементација на проектот „Преку едукација до намалена дискриминација“
 Целта на проектот е: Еманципација на жената Ромка, подигната свест за нејзините права, посебно  на  релација брак – семејство.
Идејата за реализирање на еден ваков проект произлезе од проблемот кој се јавува кај Ромите, најчесто кај жените а тоа е предвремено стапување во брак кој потоа се рефлектира  во образовниот процес со напуштање на училиштето а потоа и во  делот вработување.

Финансиер: OSCE во парнерство со Ц.Р.З. „ДРОМ“

Социјално вклучување и пристап до човекови права на Роми , Ашкалии и Еѓипќани, заедниците во Западан Балкан

Целта на проектот е давање на директна подршка на Ромското население преку посредување и вадење на лична документација, со финансиска сретства наменети за таксите кои се потребни за да извадат истите како и бесплатна правна помош, согласно целите на проектот.
Проектот се имплементирање во времетраење од јануар 2009 до декември 2009.

Финансиер: Информативен Центар Граѓанско Општество

Ромска култура на веб портал

Целта на проектот е креирање на веб портал чија со цел е да ја запознае популацијата на Република Македонија и пошироко за Ромската традиција и култура.
Проектот се имплементира во период од септември 2009 – ноември 2009 до одржливост до 01.09.2010год.

Финансиер: Европски Културен Фонд

Кој сме? Што сме?

Проекот ќе се реализира  во времетраење од 01.10.2009 – 01.03.2010год. Долгорочна  цел е интеграција на Ромите во сите свери на општеството.
Проектот во себе содржи театарска престава  со наслов “КОј сме што сме“.
Целта на оваа претставата е да се пријаже животот на Ромите со ставање на акцент на правото на избор.

Финансиер: ОСИ – Будимпешта

Човекови права – база за локален економски развој

Здружението на граѓани за поддршка на меѓуетнички дијалог и развој на заедницата „Заеднички вредности” од Скопје  во соработка со невладините организации: Перспектива од Скопје, Милениум од Врапчиште, Дром од Куманово и Рекански Бисер од Маврово и Ростуше го спроведуваат проектот „Човекови права – база за локален  економски развој”. Проектот е финансиран од Европска унија.
Целта на проектот е остварување на човековите права и подобрување на меѓуетничките односи низ имплементација на Стратегиите за локален економски развој во насока на побрза интеграција на Република Македонија  во Еврпската унија.

Финансиер: Европска комисија

Роми Ментори

Главната цел на проектот „Роми ментори“ е да се поврзат експертите на ромската култура со училиштата и НВО –те или центрите на заедниците, за да се обезбедат промени во самосвеста и будноста на децата. Да го зголемат нивното знаење за ромската култура и да им обебедат на децата можности да уживаат во контактите со експертите.
Една од НВОи кои се вклучени во проектот е и Центар за ромска заедница “ДРОМ“ кој обебедува логистичка подршка во проектот односно целосно опремена училница како и наставник волонтер кој има искуство во работата со деца. Менторската настава е предвидена по 6 часа месечно во периодот на една школската година. Учениците кои се опфатени во менторскита настава се на возраст од 12 – 14год.
Носител на проектот е Ромски културен и едукативен центар “Дархија“ и истиот ќе се имплементира од семпремви 2008год. – јуни 2009год.

Финансиер: Ромски културен и едукативен центар “Дархија“

Редизајн

Почитувани, www.drom.org.mk е во фаза на редизјанирање и надополнување.